‘Carnival in Toscana’ Tour (Carnival holidays)
Inżuru bliet u rħula li ma ssibhomx fuq il-mappa turistika konvenzjonali filwaqt li nżuru wkoll bliet popolari għall-attrazzjonijiet kulturali u artistiċi tagħhom u oħrajn li jpaxxu l-għajn b’veduti mill-isbaħ.
17 – 21 ta’ Frar, 2023
Prezzijiet għal kull persuna:
- Adulti: €690
- Tfal li ma jkunux għalqu t-12 – il sena: €590
Il-prezz jinkludi:
- Titjiriet bl-Airmalta – Malta/Milan bir-ritorn
- Taxxi tal-ajru, fuel surcharge u service charge
- L-eskursjonijiet kollha skont il-programm
- Half board (kolazzjon, ċena, ilma u nbid inklużi)
- Trasport Ċirkewwa/Airport/Ċirkewwa
- Servizz ta’ tour leader.
Tour Leader: Lawrence Sciberras
L-ewwel ġurnata
Albergo La Castellana
Naslu l-ajruport internazzjonali ta’Malta wara nofsinhar biex nirkbu t-titjira Airmalta għal Milan. Naslu fl-ajruport ta’ Milan, fejn insibu kowċ privat jistenniena biex jeħodna fil-lukanda tagħna li hija 4 star u tinsab fir-reġjun ta’ Toscana fil-konfini mar-reġjun ta’ Liguria. Naslu l-lukanda, nagħmlu c-check – in fil-kmamar u nistrieħu ftit. Jekk ikun baqa’ hin, nerġgħu nirkbu l-kowċ li teħodna lejn ir-raħal medjevali ta’ Sarzana li jinsab qrib il-lukanda fejn naghmlu passiggata helwa. Wara nerġgħu lura għaċ-ċena.
It-Tieni ġurnata
Colonnata
Nieħdu l-kolazzjon u l-ewwel waqfa tagħna tkun fir-raħal suġġestiv ta’Carrara li jinsab qrib il-muntanji u li huwa famuż ħafna għall-irħam abjad tiegħu li minnu ġew magħmulin opri ta’ l-arti kbar matul is-snin. Hemm ikollna l-opportunita` naraw kif jinqata’ u jiġi trasportat dan l-irħam prestiġjuż. Inżuru r-raħal ta’Colonnata li huwa magħruf mad-dinja kollha għal produzzjoni tax-xaħam. Wara Colonnata nerħulha lejn il-belt meraviljuża ta’ Pisa fejn fost l-oħrajn inżuru Piazza dei Miracoli bl-attrazzjoni prinċipali tkun it-torri mmejjel. Ikollna wkoll ħin liberu għas-shopping. Minn hawn nitilqu lura lejn il-lukanda għaċ-ċena.
It-Tielet ġurnata
Lucca
Nieħdu l-kolazzjon u naqbdu triqitna lejn Lucca. Il-belt ta’ Lucca hija magħrufa l-aktar ghas-swar uniċi tagħha. Ikollna l-opportunita` li nippassiġġaw fuq dawn is-swar, kif ukoll inżuru xi pjazez u knejjes ta’ din il-belt unika. Hawn ukoll ikollna xi ħin liberu għas-shopping. Wara nofsinhar nitilqu lejn Viareggio fejn ikollna l-opportunita’ ngawdu l-Karnival maghruf l-aktar ghal-karrijiet spettakolari. Filgħaxija nirritornaw il-lukanda għaċ-ċena.
Ir-Raba’ ġurnata
Wara l-kolazzjon nitilqu lejn il-belt medjevali ta’ San Gimignano li hija wkoll patrimonju UNESCO. Hemm ikollna ċans nippassiġġaw fit-triqat u l-pjazez karatteristiċi ta’ din il-belt unika. Wara nirkbu l-kowċ u nerħulha lejn il-belt ta’Siena fejn fost l-oħrajn inżuru l-katidral dedikat lill-Madonna u l-famuża Piazza del Campo fejn darbtejn fis-sena jsiru t-tiġrijet taż-żwiemel tal – Palio di Siena. Filgħaxija nirkbu l-kowċ li teħodna l-lukanda għaċ-ċena.
Il-Hames ġurnata
Porto Venere
Nieħdu l-kolazzjon kmieni u mmorru lejn Portovenere fejn ikollna cans ingawdu x-xenarji spettakolari li joffri dan il-post. Wara nitilqu lejn l-ajruport ta’ Milan, fejn nieħdu t-titjira ta’ l-Airmalta.
*Jista’ jkun hemm xi tibdil minimu fil-programm minħabba ċirkostanzi partikolari li jistgħu jinqalgħu.
