Inżuru żoni li ma ssibhomx fuq il-mappa turistika konvenzjonali filwaqt li nżuru wkoll bliet popolari għall-attrazzjonijiet kulturali u artistiċi tagħhom u oħrajn li jpaxxu l-għajn b’veduti mill-isbaħ.
29 ta’ Dicembru 2023 sa 3 ta’ Jannar 2024
Prezzijiet għal kull persuna:
- Adulti: €860
- Tfal taħt it-12 – il sena: €800
Il-prezz jinkludi:
- Titjiriet bl-Air Malta – Malta/Milan/Malta
- Taxxi tal-ajru, fuel surcharge u service charge
- L-eskursjonijiet kollha skont il-programm
- Half board (kolazzjon, cena, ilma u nbid inkluzi)
- Ikla tal-ahhar tas-sena
- Servizz ta’ tour leader
L-ewwel ġurnata
Naslu l-ajruport internazzjonali ta’Malta biex nirkbu t-titjira Airmalta għal Milan li titlaq kmieni waranofsinhar. Fl-ajruport ta’ Milan, insibu kowċ privat jistenniena biex jeħodna fil-lukanda tagħna li hija 3 star (Hotel Parisi) u tinsab fir-reġjun ta’ Piemonte ġewwa l-belt ta’ Nichelino ftit minuti bogħod minn Turin. Naslu l-lukanda, nagħmlu c-check – in fil-kmamar u ninżlu għaċ-ċena li hija 4 course bl-inbid u ilma inklużi.
It-Tieni ġurnata
Wara l-kolazzjon, l-kowċ teħodna fiċ-ċentru ta’ Turin fejn se nagħmlu ġurnata niskopru din il-belt stupenda magħrufa għal monumenti, palazzi u knejjes barokki li tħaddan u għal bosta ħwienet fejn min iħobb is-shopping ikollu xalata sħiħa. Tard wara nofsinhar inżuru Superga u l-knisja ta’ San Giovanni Bosco li twieled u għex f’din il-belt. Minn hawn nitilqu lejn il-lukanda fejn ikollna ċ-ċena.
It-Tielet ġurnata
Wara li nieħdu l-kolazzjon nitilqu għal eskursjoni fejn inżuru żona tal-Piemonte magħrufa bħala Langhe. Hawn inkunu nistgħu nitpaxxew b’veduti mill-isbaħ ta’ irħula u kastelli medjevali, għoljiet u għelieqi mimlija dwieli minn fejn jiġu kkoltivati u prodotti l-aqwa inbejjed ta’ dan ir-Reġjun. F’ nofsinhar nibqghu sejrin fir-ristorant li se jospitana ghall-ikla tal-ahhar tas-sena (inkluza fil-prezz) fejn inkunu nistghu niccelebraw flimkien il-wasla tas-sena l-gdida. Wara l-ikla nerhulha lejn il-lukanda fejn nkunu nistghu nistriehu ftit. Filghaxija nergghu nirkbu l-coach u nerhulha lejn il-Belt ta’ Turin fejn inkunu nistghu niccelebraw il-wasla tas-sena l-gdida fil-pjazez stupendi taghha.
Ir-Raba’ ġurnata
Wara l-kolazzjon nirkbu l-kowċ u nitilqu lejn ir-raħal ta’ Bardonecchia fejn inqattgħu in-nofs ta’nhar ta’ filgħodu. Bardonecchia huwa raħal ħelu fuq il-muntanji Alpi li ħafna jżuruh biex igawdu l-kwiet u ix-xenarji mill-isbaħ tal-muntanji u jipprattikaw l-isports tax-Xitwa. Nagħmlu passiġġata mar-raħal u min ikun jixtieq jista’ jitla’ fuq is-seggiovia (ħlas extra) minn fejn ikun jista’ jgawdi veduti aktar mill-għoli tal-muntanji li jżewqu dan il-post. Wara nofsinhar nerhulha lejn lake Avigliana fejn hawn ukoll inkunu nistghu nkomplu nirrilassaw u ngawdu n-natura. Wara mmorru nzuru s-shopping centre Lingotto u Eataly. Minn hawn nitilqu lejn il-lukanda fejn ikollna ċ-ċena.
Il-Ħames ġurnata
Nieħdu l-kolazzjon u nitilqu għal eskursjoni ta’ ġurnata sħiħa fir-reġjun ta’ Valle d’Aosta fejn in-natura hija spettakolari. Nieqfu ġewwa Courmayeur fejn ikollna ċ-ċans nippassiġġaw u nammiraw il-post. Min irid jista’ jitla’ f’waħda mill-aktar cable cars moderni fid-dinja u jasal sa gholi ta’ aktar minn 3000 metru (ħlas extra). Din il-cable car ġiet inawgurata f’2015 u swiet 110 miljun ewro. Wara Courmayeur nerhulha lejn il-belt ħelwa ta’ Aosta. Filgħaxija nitilqu lura lejn il-lukanda għaċ-ċena.
Is-Sitt ġurnata
Nieħdu l-kolazzjon kmieni, u nitilqu lejn il-belt ta’ Milan. Hawn inqattgħu in-nofs ta’nhar ta’ filgħodu ingawdu ċ-ċentru storiku ta’ din il-belt unika u żgur l-aħħar shopping ta’ din is-safra. Wara nofsinhar nirkbu l-kowċ lejn l-ajruport ta’ Linate fejn f’15.15 naqbdu t-titjira tal-Airmalta li twassalna lura lejn Malta.
Għal aktar informazzjoni ċemplu fuq (+356) 21564323 |
(+356) 27564323 jew email admin@sisutours.com
*Jista’ jkun hemm xi tibdil minimu fil-programm minħabba ċirkostanzi partikolari li jistgħu jinqalgħu.
