• info@sisutours.com
  • +356 79262249

Rome and Abruzzo Tour

Tour kulturali f’Ruma u fir-Reġjun ta’ Abruzzo

Inżuru l-belt unika ta’ Ruma kif ukoll postijiet fir-reġjun tal-Abruzzo  li ma ssibhomx fuq il-mappa turistika konvenzjonali.

Dati

1 Novembru – 4 Novembru 2019

Prezzijiet għal kull persuna:

    • Adulti: €595
    • Tfal taħt it-12 – il sena: €500

Il-prezz jinkludi:

    • Titjiriet bl-Air Malta – Malta/Ruma/Malta
    • Taxxi tal-ajru, fuel surcharge u service charge
    • L-eskursjonijiet kollha skont il-programm
    • Half board (kolazzjon u tliet ikliet bl-ilma u nbid inklużi)
    • Trasport Ċirkewwa/Airport/Ċirkewwa
  • Servizz ta’ tour leader

Tour Leader: Lelio Spiteri akkompanjat minn Dr Mark Sagona

L-ewwel ġurnata

Naslu l-ajruport internazzjonali ta’ Malta filgħodu kmieni biex nirkbu t-titjira Airmalta li teħodna Ruma. Niġbru l-bagalji u nirkbu l-kowċ li se tkun magħna matul l-erbat ijiem li se nqattgħu flimkien. Nissetiljaw fil-lukanda li hija waħda 4 star u li tinsab ftit minuti ‘l barra miċ-ċentru ta’ Ruma.  Eżatt wara nerġgħu nirkbu l-kowċ li  fi ftit minuti tħallina fiż-żona tal-Belt tal-Vatikan. Hawn inqattgħu ftit sigħat inżuru din il-belt u t-teżori li tħaddan fosthom il-Basilika ta’ San Pietru, il-Qabar ta’ Gwanni Pawlu t-tieni, Kastell Sant’ Anġlu eċċ. Wara mmorru għall-ewwel ikla tagħna f’wieħed mill-ħafna ristoranti ta’ din il-belt meraviljuża (inkluża fil-prezz).  Wara l-ikel ikollna l-opportunita’ nagħmlu l-ewwel dawra fil-kowċ fiċ-ċentru ta’ Ruma u naraw il-monumenti li tħaddan mixgħula.  Minn hawn nerġgħu lura l-lukanda.

It-Tieni ġurnata

Nieħdu l-kolazzjon u eżatt wara nerġgħu nidħlu Ruma.  Din id-darba nżuru Ruma Imperjali (Żona tal-Kolossew u tal-Fori Imperiali).  Minn hawn nerħulha għall-parti Rinaxximentali u Barokka fejn inkunu nistgħu nammiraw diversi pjazez u monumenti ta’ din il-belt unika fosthom Fontana di Trevi, Piazza di Spagna, Piazza Navona, Piazza del Popolo, Villa Borghese u oħrajn. Ovvjament ħin liberu għax-shopping ma jonqosx.   Xħin isir il-ħin niltaqgħu u mmorru nieklu flimkien f’ristorant ieħor fejn ikollkom l-opportunita’ dduqu l-kċina tipika Rumana (inkluża fil-prezz). Wara nerġgħu nirkbu l-kowċ u mmorru lura għal-lukanda.

It-Tielet ġurnata

Nieħdu l-kolazzjon ftit aktar kmieni mis-soltu u wara nitilqu lejn ir-reġjun tal-Abruzzo.  Hawn  inżuru  ż-żona tal-Gran Sasso li hija l-akbar muntanja tal-Appennini.  Inżuru raħal tipiku ta’ dan ir-reġjun li jismu Castelli u li huwa mogħni b’numru ta’ fabbriki żgħar taċ-ċeramika (maiolica) magħrufin mad-dinja kollha.  Ikollna l-opportunita’ unika  li nżuru waħda minnhom.  Minn hawn immorru nieklu ikla tipika abbruzzese (inkluża fil-prezz).  Wara l-ikel inżuru s-santwarju famuż ta’ San Gabriele. Nerġgħu lura  lejn iċ-ċentru ta’ Ruma fejn ikollna l-opportunita’ ngawdu din il-belt by night.  Wara mmorru lura l-lukanda.

Ir-Raba’ ġurnata

Wara l-kolazzjon illum ngħabbu l-bagalji ġol-kowċ u nerħulha lejn iż-żona tal-Castelli Romani.  Hawn inkunu nistgħu ngawdu xenarji mill-isbaħ kif ukoll inżuru r-raħal popolari ta’ Tivoli, fejn wieħed jekk irid jista’ jżur Villa d’Este (ħlas extra).  Tard waranofsinhar nerħulha lejn l-ajruport fejn filgħaxija naqbdu t-titjira Air Malta li toħodna lura Malta.

Għal aktar informazzjoni ċemplu fuq (+356) 79262249 jew email info@sisutours.com

*Jista’ jkun hemm xi tibdil minimu fil-programm minhabba ċirkostanzi partikolari li jistgħu jinqalgħu.


Toscana & Liguria 2017 Highlights

Marche & Umbria Tour Preview

Contact

Phone: (+356) 79262249
Email: info@sisutours.com

New tour! Rome and the Abruzzo region. 1st November departure. Book now!