• info@sisutours.com
  • +356 79262249

Veneto Summer Tour

Inżuru bliet u rħula li ma ssibhomx fuq il-mappa turistika konvenzjonali filwaqt li nżuru wkoll bliet popolari għall-attrazzjonijiet kulturali u artistiċi tagħhom u oħrajn li jpaxxu l-għajn b’veduti mill-isbaħ.

19 – 26 t’ Awwissu
Adulti: €865
Tfal bejn 2 u 11- il sena: €800

Prezz jinkludi:

  • Flights Airmalta (taxxi inklużi)
  • Hotel 4* half board (inbid u ilma inklużi) 
  • Hotel City tax
  • Transfers u eskursjonijiet kollha skont il-programm
  • Servizz ta’ Tour leader (Sisu)

L-ewwel ġurnata

Naslu l-ajruport internazzjonali ta’Malta biex nirkbu t-titjira Airmalta għal Milan li titlaq 12.30 u tasal 14.50. Fl-ajruport ta’ Milan insibu kowċ privata tistenniena biex teħodna fil-lukanda tagħna (4*) li tinsab fir-reġjun ta’ Veneto ftit ‘il barra mill-belt ta’ Treviso. Naslu l-lukanda, nagħmlu c-check – in fil-kmamar u nistrieħu ftit qabel ninżlu għaċ-ċena.

It-Tieni ġurnata

Wara l-kolazzjon nirkbu l-kowċ u nitilqu lejn il-belt ta’ Romeo u Giulietta –  Verona, fejn inqattgħu ġurnata sħiħa. Ikollna l-opportunità fost affarijiet oħra naraw l-Arena, l-katidral, id-dar ta’ Giulietta u l-pjazez li jżewqu din il-belt stupenda. Ikollna wkoll ħin liberu għax-shopping. Minn hawn nitilqu lejn il-lukanda fejn ikollna ċ-ċena.

It-Tielet ġurnata

Wara li nieħdu l-kolazzjon illum nitilqu lejn il-belt ta’ Padova fejn fost l-oħrajn ikollna l-opportunità nżuru l-Bażilika ta’ Sant’Anton, il-Katidral, Piazza Prato della Valle li hija fost l-akbar fl-Italja u l-Orto Botanico. F’din il-belt ukoll ma jonqosx li jkollna ħin liberu għax-shopping. Filgħaxija nirkbu l-kowċ u nirritornaw il-lukanda għaċ-ċena billi ngħaddu minn Colli Eganei li joffru xenarji mill-isbaħ.

Ir-Raba’ ġurnata

Wara l-kolazzjon, l-kowċ teħodna l-istazzjon tal-ferroviji ta’ Treviso minn fejn nirkbu l-ferrovija (inkluża fil-prezz) biex inkunu nistgħu nżuru il-belt unika u spettakolari ta’ Venezia fejn se nqattgħu ġurnata sħiħa. Fost l-oħrajn naraw Ponte Rialto, Ponte dei Sospiri u Piazza San Marco u jkollna ħin liberu niskopru t-toroq dojoq ta’ din il-belt unika u min irid jagħmel ukoll xi ftit shopping. Tard waranofsinhar nerħulha lejn l-istazzjon ta’ Santa Lucia fejn naqbdu triqtna lura lejn il-lukanda għaċ-ċena.

Il-Ħames ġurnata

Nieħdu l-kolazzjon u nitilqu lejn Garda. Illum il-group jinqasam fi tnejn. Min imur fil-park ta’ Gardaland (ħlas extra) u min ikollu eskursjoni ta’ din iż-żona ta’ din il-lake famuża. Matul il-ġurnata jkollna l-opportunità nitpaxxew bil-veduti sbieħ li joffru l-irħula ta’ Peschiera u Bardolino. Tard waranofsinhar nitilqu lura lejn il-lukanda għaċ-ċena.

Is-Sitt ġurnata

Nieħdu l-kolazzjon u llum immorru niskopru ż-żona tal-Prosecco magħrufa aħjar bħala Valdobbiadene. Matul din l-eskursjoni nkunu nistgħu nitpaxxew bil-veduti tad-dwieli li jinħadmu b’tant kura min-nies tal-post. Għal nofsinhar nieqfu għal wine tasting u għal ikla tipika ta’ dawn l-inħawi ( inkluża fil-prezz). Minn hawn nerħulha lejn il-belt ta’ Treviso fejn nqattgħu s-serata tagħna qalb il-ħwienet eleganti tagħha u l-knejjes u monumenti li jżewquha. Tard filgħaxija nirritornaw il-lukanda. Illum flok iċ- ċena inkluż fil-prezz ikollkom l-ikla ta’ nofsinhar.

Is-Seba’ ġurnata

Wara l-kolazzjon nitilqu lejn iż-żona tad-Dolomiti (Alpi) fejn din id-darba se ngawdu x-xenarji tal-muntanji maestużi li aħna l-Maltin tant mixtiqin minnhom. Nieqfu fir-raħal popolari ta’ Cortina d’Ampezzo fejn ikollna l-opportunità nippassiġġaw u ngawdu l-post bil-kumdità kollha. Wara nirkbu l-kowċ u ngħaddu minn Passo Tre Croci u l-widien ta’ San Marco u Auronzo fejn inkunu nistgħu nitpaxxew b’xenarji tal-ħolm.  Filgħaxija mmorru lura l-lukanda għaċ-ċena.

It-Tmien ġurnata

Nieħdu l-kolazzjon kmieni u nitilqu lejn l-ajruport ta’ Milan, fejn nieħdu t-titjira tal-Airmalta li titlaq f’15.40 u tasal Malta 17.30.

*Jista’ jkun hemm xi tibdil minimu fil-programm minħabba ċirkostanzi partikolari li jistgħu jinqalgħu.

BOOKING TERMS & CONDITIONS


Toscana & Liguria Tour Highlights

Marche & Umbria Tour Preview

Contact

Phone: (+356) 79262249
Email: info@sisutours.com

Give the gift of travel! Vouchers available.